上星期，七十二歲的吳旭輝在大坑無牌販賣雞蛋仔，被食環署圍捕，吳伯其後雖被揭發隱瞞領取綜援，但食環署在十日內三度對吳伯掃貨拉人，卻惹起街坊指控無情。
食環署趕盡小販豈止今次，五年前因逃避小販隊追捕的小販彭東尼，被車撞至終身殘廢，連女朋友死前最後一面也看不到；生果檔主被小販隊老屈襲擊，幸得閉路電視片段力證清白；持牌雪糕小販被控阻街不成，反告雞毛蒜皮的「違法販賣珍寶珠」。
「既非偷、亦非搶，可唔可以俾條生路我？」這是他們最卑微的心願。
腦殘女友死
彭東尼， 42歲， 06年因失業轉行，做無牌小販賣手袋，突遇小販隊掃蕩，逃走時衝出馬路，被貨車撞至頭部重傷，半身癱瘓。
這只是故事的上半部，彭的悲慘經歷這時才開始。彭昏迷了兩個多月後甦醒，但失去說話能力，半身癱瘓，腦部組織嚴重受損。四年前，他由廣華醫院轉到黃大仙醫院療養。
記者上週來到彭的病房，裡面病人不是植物人，便是有嚴重腦創傷，起居飲食、大小便都要人照料。記者在彭床前呼喊良久，他呆呆盯 着床邊公仔的一雙眼，才移向記者，發出「呀、呀」聲。「東尼，有人探你呀！你快啲同人打招呼啦。」照顧鄰床病人的菲傭於是幫口，叫「醒」彭，彭艱難地舉起痙攣的左手，向記者揮了一揮。
彭兄長彭耀輝對本刊說，由於要在內地工作，不能長時間在港照顧弟弟，但社署發放的傷殘津貼不夠他請菲傭，他只能每日請一名家務助理到醫院照顧他一小時，替他抹身、餵食水果。「佢每日最開心就係呢個鐘，有人同佢傾偈，佢會開心啲。」家務助理說。所謂傾偈，他也無法言語，只是不斷傻笑而已。
彭耀輝說，弟弟出事後，拍拖十一年的女友 Sandy每日都到醫院探望，不斷在床邊說話鼓勵他，結果令他奇跡甦醒，「佢昏迷 咗足足兩個幾月，佢女朋友一直照顧佢。東尼醒番，但成個人癱咗，都係靠佢日日去醫院照顧。佢其實條件好好，成個小龍女咁，好多人都估佢最終會離開東尼、會分手，但佢無！」
彭耀輝憶述，她還說過，希望可以與弟開開心心拍攝婚紗照，步入教堂，誰料 Sandy竟然比弟先走一步！「佢（ Sandy）好大壓力，成日都擔心東尼好唔番，佢同我講過好多次喉嚨痛，痛 咗好耐都唔好。我叫佢去睇醫生，佢又唔肯，只係求其食啲喉糖就算。」彭兄懷疑 Sandy一早知道自己情況嚴重，「佢同我講過，話唔得閒去睇醫生，又話自己一定唔可以有事，因為無人會照顧東尼。」
喉癌四期
直至醫生見彭的情況日漸穩定，容許 Sandy接彭出院，但條件是要 Sandy身體健康，有照顧能力， Sandy就到醫院做檢查。「佢一檢查，就發現有喉癌第四期，根本只係死頂；佢唔肯去睇醫生，就係驚自己有乜事照顧唔到東尼……」彭兄哽咽地說。
Sandy幾個月後去世，臨死前還是記掛 着男友，吩咐朋友代買一大堆日用品，放到男友床邊。「 Sandy出殯，我 哋用輪椅推東尼去靈堂，東尼不斷流眼淚，……其實東尼而家智商可能只係得幾歲，佢究竟係因為見到人喊佢又喊，定係真係知道 Sandy走 咗而喊？我 哋真係唔知。」彭兄說。
事隔五年，彭耀輝一直為弟奔走，希望為弟弟討回公道，但食環署至今一句道歉都沒有。當局應立法會要求的調查，今年一月終提交報告，全份報告只得五百字，承認當日職員在未得批准下，穿便服執勤，是違反工作守則，當局已作出紀律處分，但稱無證據證明小販事務隊人員因追捕小販，導致交通意外。
沒有留言:
張貼留言