Ken，三十二歲，是本週網上瘋傳片段「香港人大戰大陸人」主角。

Ken，三十二歲，是本週網上瘋傳片段「香港人大戰大陸人」主角。

Ken，三十二歲，是本週網上瘋傳片段「香港人大戰大陸人」主角。片段在 YouTube至上週五點擊率達五十多萬，連 BBC、新華社也追訪他。

我現職攝影師，主要從事婚禮攝影，曾做過售貨員、物流工作等，我 嘅背景、生活同一般土生土長 嘅香港人無分別。但 嗰日搭港鐵 嘅經歷，你係我又會點做？上星期日我 喺紅磡上火車，見一批內地人一上車就霸 咗兩排座位，每排本可坐四人，但佢 哋三人一排，仲擺件行李 喺座位；當時有個不良於行 嘅老人俾菲傭扶住，無位坐，差點俾車門夾到，我已經好睇唔過眼！

Ken大戰內地人的片段，至上週五在 YouTube點擊率已逾五十萬。片段中 Ken（黃圈）先見到有內地人霸佔座位，繼而吃東西弄至車廂污糟邋遢，他忍不住才直斥其非。然後內地女子惡人先告狀，反鬧 Ken普通話說得不好。

點知個內地女人仲拆開包麵俾細路食，搞到周圍污糟邋遢。我勸佢 哋唔可以食，佢同行鄉里竟走過嚟一面笑我普通話差，一面鬧我！我先至咁嬲同佢 哋對罵。後來有人按掣 㩒停部車，通知車長，車務員請佢 哋落車，我好合作，跟埋出去對質；點知我搭第二班車走時，個內地女人 喺背後教班細路「藐」我！我細細個已對違規者無情講，印象最深刻一次，係九八年我 喺美孚自修室溫書，有次見到百佳職員追緊一個偷 嘢 嘅男人；我幫手追，個男人廿幾歲，求我唔好拉佢，跪低攞番兩支偷嘅洗頭水。 嗰刻我有掙扎，但無放佢走，叫佢等職員嚟處理。之後，我與同學講起，佢話我因咁小事害人無晒前途。我好唔開心，直至一個老師同我講，話我做得 啱；佢話個賊今次雖然無傷人、亦偷好少 嘢，但成功一次，下次會做更多犯法 嘅事。拉 咗佢，大家可以幫佢求情，社工又可跟進。港鐵事件發生後，我 facebook收到多個內地人訊息，不斷留簡體「操×媽」字句。另一方面，不少身邊朋友 whatsapp讚我正義， like我言論 嘅人也多達一千。我只係想講，我唔係乜嘢英雄，大家如果遇到睇唔過眼 嘅事，都肯挺身而出，香港會好好多。